حكاية شاب وسيم عمره بين22 و23 مايعرف شي عن الحب ولامره بحياته حاول انه يعرف شي عن الحب, له طله مقبوله واللي يشوفه يحبه ,سافر والله وفقه بوظيفه بس بعيد عن منطقة اهله اللي ساكن فيها والمكان اللي توظف فيه يمشي الحال ,بس زيارات البنات على هذا المكان كثيره,وبيوم جت وحده ودخلت المكان هذا وشافت الولدهذا واعجبت فيه,واخذت رقم المحل لانه موجود على اللوحه برا ,ويوم راحت للبيت اتصلت عليه ,وحاولت تحتك فيه بالكلام بس حست اسلوبه جاف شوي ولاقدرت تاخذ وتعطي معه بالكلام, وصار كل يوم الساعه 11 بالليل تتصل عليه عشان تتعرف عليه اكثر,وتتكلم معاه وهو مايدري وش يقول بس يسمع ويقول ايه, ولا طالت الايام على الطريقه هاذي,تشجع مره وسألها ,انتي وش هدفك من مكالماتك هاذي ,ولوش تبغين توصلين,هي جاوبت على طول لانها منتظره السؤال هذا قالت ابي اوصل لقلبك,قال :طيب انا ماعرف شي عن الحب ,ولاحتى اعرف اتكلم فيه ,ولا افهم لغته. قالت:انا ابعلمك على يديني وبخليك فيلسوف حب,المهم طالت السالفه وجت ايام وراحت ايام, وعلى الطريقه هاذي وهي تعلم فيه, وهو يستوعب بسرعه,لين خلاص حب الولد من كل قلبه لدرجه انه مايقدر ينام الليل من كثر التفكير, فيها وكل اصدقاءه صاروا يحسون انه متغير ولاياكل ونحفان وصار يفكر كثير ويسرح كثير,واحيانا يخطي باسمها وينادي اصدقاءه فيه,وهم مايبون يسالونه ,من الاسم هذا لان من شكله مبين انه يحب,وخلاص اعلى مراحل الحب وصل, ودارت الايام ومرت سنه على الطريقه هاذي,واتصل عليها بيوم مزعوج قال لها:انتي شفتيني وشفتي شكلي وعرفتي اسلوبي وصار لنا سنه الحين ولاشفتك ولا حتى شفت صورتك,قالت له:انتظر شوي لين اضبط وضعي واخليك تشوفني,قال:لا..لا..لازم اشوفك ومارح اصكر لين توعديني متى؟قالت:طيب الخميس الجاي راح نطلع للمكان الفلاني نتقابل هناك هذا كان يوم السبت,وتخيلوا الانتظار كيف راح يكون من يوم السبت الى يوم الخميس اصعب لحظات عمره كان مقضي يومه كله بالنوم عشان بسرعه الايام تمشي ,وصل يوم الاربعاء وقام يفكر:كيف راح يكون شكلها طويله, قصيره,بيضا,سمرا,نحيفه,دبدوبه,حلوه زي ماراسمها بخياله,كان يفكر بكل شي واتصلت عليه يوم الخميس قالت له:ياالله طالعين وسيارتنا كذا شكلها ولونها كذاورقم اللوحه كذا,قال:تمام..اسمعي انا كل الطريق مقدر اصبر ابيك كل دقيقتين تشيكين على جوالي عشان احس انك معاي موجوده وادري انك ماتقدرين تكلمين لان اهلك معاك صعبه بس اقل شي كل دقيقتين شيكي ,قالت :اوكي ,تحركت السياره وهوحرك بعدها على طول وكل دقيقتين تجيه تشيكه وعلى الجوال ولين انقطعت التيكات اكثر من عشر دقايق ماقدر يصبر ارسل رساله ولاردت عليه تردد بالاتصال وتردد كثير مايدري يتصل او يخاف يحرجها عند اهلها ,المهم قرر ويوم دق على جوالها مر من جنبه سيارة اسعاف متجهه بنفس الطريق اللي هو يمشي فيه من كثر ماهو مخبوص نزل الجوال جنبه اسرع ورا السياره وخلى الجوال يدق (معاودة الاتصال اليا),المهم وصل وشاف حادث اكثر من رعب مافي عائله كامله,يمين الخط فيه4 بنات وشايب وحده عجوز كلهم حالتهم واشكالهم ميئوس منها بشكل خيالي,السيارة هي نفس السياره ونفس اللوحه ونفس اللون بس كيف راح يعرفها بين البنات الاربع وهي ماوصفت له شكلها نزل مع اللي نزلوا بقايا حلمه وبقايا امله صار يناظر يمين يسار ولو يشوفها ماراح يعرفها سمع صوت الجوال يرن حاول يتبع الصوت لقى وحده من البنات ماسكه جوالها ويرن بيدها وهي شبه ملطخه بالدم ومافي امل انها تعيش ا لا باذن الله.. شاف اسم المتصل بجوالها لقى مكتوب!!!!!!!!!!!(امل عمري)قال:يمكن هاذي وحده من صديقات البنت هاذي لكن بدون شعور رفع الجوال وناظر للاسم (امل عمري)وفتح الرقم وكانت الصدمه انه شاف الرقم حقه لان الجوال لقاه مع وحده كأن الجمال مانخلق لوحده غيرها بس للاسف فارقت الحياه وانقلبت اسعد لحظات عمرهبثواني الى اتعس ايام العمر(الرقم لقاه رقمه والاسم,امل عمري) صدمته خلته ينهار ويغمى عليه وانقلوه معاها للمستشفى هي انتقلت الى رحمة الله وهو عاش اواقصد ماعاشت الضحكه بعدها يوم,وترك الوظيفه وتعقد من عيشته وصاريكره نغمة الجوال ولايتكلم مره غير اذا كان مجبور انه يسولف ويكره اي واحد يجيب ابجدية كلمةالحب عنده وسافر عن المنطقه اللي كان موظف فيها وتعرف على امل عمره اللي انتهى فيها وأخذ عهد على نفسه انه مايجي للمنطقه هاذي ا لا بنفس اليوم اللي توفى فيه حلمه وصار بنفس اليوم كل سنه يسافر للمنطقه ويمر نفس المكان ويجلس فيه ساعه ويرجع لمنطقته .................